كيكة عيد ميلاد

المقادير
8 بيض
كوب ونص سكر
ملعقة صغيرة فانيليا
برش ليمونة او حامضة
3 ملاعق طعام زيت
رشة ملح
2 وشوي كوب طحين
ملعقة وسط بايكنغ باودر
الطريقة
منخفق بالخفاقة الكهربائية البيض والسكر والفانيليا وبرش الليمون ورشة ملح مع بعض ليفتح لونن وينفخوا منرجع منخفقن مع الزيت
منكون منخلين الطحين والبابكنغ باودر ورشة ملح كمان اكتر من مرة كل ما تنخلوا كل ما عطوا نتيجة افضل
بصير نزل شوي شوي الطحين فوق الخليط وحركن بالسباتشولا من تحت لفوق ليمتزجوا مع بعض
بدهن الصينية شوية زيت وبرش طحين بحط المزيج وبخبزن عالرف الوسط من تحت ليشقر الداير شوي برجع بنزل الصينية عالرف التحتاني وبخفف الحرارة وبخبزوا شوي من فوق
ما ضروري نبالغ بالخبز لما ينشف الكيك
أنا عندي فرن كهربا اخد تقريبا نص ساعة من تحت وشي 7 دقايق من فوق
الكريما جاهزة ماركة magik خفقتا لاشتدت
بس برد الكيك قطعتوا 3 حطيت اول طبقة وسقيتوا بماية الفواكه ومديت فوقا كريما وسلطة فواكه رجعت الطبقة التانية نفس الشي آخر شي غلفتو بالكريما
بالنسبة للغاناش استخدمت طريقة كوكو
230 غ شوكولا سودا
3/4 الكوب كريم فريش
ملعقتين زبدة
سخنت الكريما ودوبت معا الزبدة والشوكولا بس بردت شوي صبيتا عالكيك