فيصلية

1-كل 1كيلو حليب بتحطيلو 150 غرام سميد.
2-بيلزمك كنافة نية من عند البياع حسب الكمية يلي عم تحضريا .
33-فينك تعمليا عالغاز وفينك تعمليا بالفرن انا بنصح بالغاز لانو هاد سر انو بتطلع مرصوصة.

الطريقة:

مثلا حطي 2 كيلو حليب بطنجرة وحطيهن عالنار لحتى يغلي الحليب ...
بتفرغي 3000 غرام سميد عالحليب يلي عم يغلي وعمهلك بتفرغيون مع التحريك . .

بعدين بتطفي الغاز وبعد ماتطفي بتحركي المزيج 3 مرات اقل شي بين كل مرة ومرة شي 3 دقايق...

بس تحسي انو المزيج صار سميك بتفردي على صينية وبتتركي ليشد ويمسك بعضو....

طبعا انتي بتكوني عم بتحضري القطر وكل النسوان بتوقع بيعرفو يعملو قطر ...

هلأ بتجيبي لكنافة وبتئطعيا كل أطعة شي 35 سم وبعرض كف الايد تقريبا بتحطيا أدامك وبتقطعي من المزيج وبتحطي القطعة عطرف لكنافة وبلفي لكنافة بتحاولي تطلع الأطعة متل مو مبينة بالصورة وهكذا....

رح تلاقو صعوبة بلف القطعة لانو اول مرة بدكن تدبرو حالكن ببئا بعدين ببعتلكن فيديو ...

بس تخلصي بتدهني الصينية بسمنة تكون كويسة وبعدين بدوبي شوية سمنة وبتصبيا عالصينية وبتحطيا بالفرن ..ويلي بدا تعرف طريقة الغاز تكتب مشان ابعتلكن طريقتا...
بس تستوي الصينية بتصبي عليها قطر بارد طبعا الصينية بتكون ساخنة والقطر بارد ...
وصحتين وهنا...